“50% taksë doganore kush furnizon me armë Iranin”/ Trump i kundërvihet medias amerikane për deklaratën e Teheranit: Është e rreme, CNN ra në grackë

Presidenti i Shtetet e Bashkuara, Donald Trump, njoftoi se SHBA do të vendosë menjëherë taksë 50% mbi të gjitha mallrat që vijnë nga vendet që furnizojnë Iranin me armë.

Ai theksoi se nuk do të ketë përjashtime ose lehtësime, edhe pas marrëveshjes për armëpushimin dyjavor mes SHBA dhe Iran.

Në të njëjtën kohë, Trump reagoi ashpër ndaj një lajmi të CNN dhe New York Times, që sipas tij i atribuonte Teheranit një deklaratë të rreme, ku ‘armiku supozohej i mundur dhe Teherani shpallej fitues’. Presidenti amerikan e quajti këtë “fals”, duke sqaruar se deklarata e vërtetë e Iranit është ajo e publikuar nga ministri i Jashtëm Seyed Abbas Araghchi dhe jo ajo e përhapur nga CNN.

Trump paralajmëroi gjithashtu se CNN duhet të tërheqë deklaratën e rreme dhe të kërkojë falje, duke e cilësuar këtë si një përpjekje për të shpërndarë informacione të pasakta mbi marrëveshjen me Iranin.

Ky zhvillim vjen pak pas njoftimit të armëpushimit që parandalon përshkallëzimin e tensioneve në Gjiri Persik dhe rihap rrugën e kalimit të anijeve në Ngushtica e Hormuzit.