Trump mbyll Ministrinë e Arsimit: Ishte një premtim elektoral, ‘kursejmë 1 trilion dollarë’

Donald Trump po përgatitet të mbyllë Departamentin e Arsimit. Sipas mediave amerikane, presidenti do të nënshkruajë një urdhër ekzekutiv, por nuk mund të eliminojë në mënyrë të njëanshme një agjenci federale, pa miratimin e Kongresit.

Trump kishte premtuar vazhdimisht në fushatë se do ta mbyllte departamentin e arsimit dhe do ia kalonte kompetencat shteteve përkatëse.

Sipas tij Shtetet e Bashkuara shpenzojnë mbi 1 trilion dollarë në vit për sistemin arsimor publik, por kjo nuk i ka nxjerrë në krye të listës në këtë fushë, përkundrazi i rendit në vendet e fundit.

Trump ka firmosur tashmë urdhër ekzekutiv në lidhje me arsimin për të zgjeruar mundësinë e zgjedhjes së shkollës.