“BDI është shndërruar në parti, ideologjia e vetme e së cilës është mbrojtja e ish-zyrtarëve të saj. Për këtë qëllim, ata janë të gatshëm të bojkotojnë zgjedhjet lokale dhe të përpiqen të shkaktojnë krizë politike. Të jemi të qartë, VLEN dëshiron që Kreshnik Bekteshi të dëshmojë pafajësinë e tij, sepse, pavarësisht se jemi kundërshtarë politikë, nuk duam që asnjë shqiptar të mbajë barrën për tragjedinë e Koçanit. Por këtë e vendosin autoritetet gjyqësore, jo aktorët politikë. Megjithatë, kur BDI flet për sistem, duhet të përgjigjet se për çfarë saktësisht mendon”, thonë nga koalicioni VLEN.
Ata akuzojnë BDI-në për 22 vite qeverisje.
“Për sistemin që regjimi i tyre e krijoi për 22 vjet, derisa ishin pjesë e të gjitha qeverive të LSDM-së dhe VMRO-DPMNE-së?
Për Prokurorinë Publike të Islam Abazit? Për të arratisurit nga drejtësia, Artan Grubi dhe Përparim Bajrami? Për sistemin e sundimit që nga funksionarë ende pa ju dalë mjekra BDI i bëri milionerë mbi kurrizin e shqiptarëve? Për sistemin në të cilin kishte përgjegjësi selektive për tragjeditë me spitalin modular në Tetovë, Llaskarcë, Besa Trans? Sa herë që BDI përpiqet të maskohet dhe të paraqitet si faktor ndër shqiptarët, fundi i kësaj udhëheqjeje të korruptuar politike është afër!”, thuhet në komunikatën e VLEN-it.
Sign in
Sign in
Recover your password.
A password will be e-mailed to you.
Trending
- Mucunski në takim pune në Bruksel, në fokus axhenda refomuese e vendit dhe hapat e mëtutjeshëm në procesin a aderimit në BE
- Filipçe: Qeveria po i hap dyert për parregullsi zgjedhore
- Janevska: Për një vit janë ndërtuar 7 shkolla të reja, janë rikonstruktuar 20 shkolla të tjera dhe po ndërtohen 4 salla sportive
- Për 8.4% është rritur paga mesatare, në qershor arriti në 45.468 denarë
- QMK: Janë lokalizuar zjarret në Opajë dhe Vaksincë
- Bujar Osmani: Çdo ditë nga terreni do të gjejmë zgjidhje për problemet reale
- Kujt i dërgoi mesazh me postimin e tij te fundit ambasadori Meidani?
- Osmani: Mickoski po kthen shqiptarët para Marrëveshjes së Ohrit – Zgjedhjet, referendum!
- VLEN: BDI zhduku diasporën shqiptare nga regjistrimi
- “Shqiptarët nuk janë lodër në duart e Mickoskit” – Reagon fuqishëm Hoxha nga Struga