Arsovska: Pesëdhjetë autobusët do të jenë në pikë të rendit të ditës së Këshillit derisa vetë këshilltarët nuk e votojnë

Pesëdhjetë autobusë do të jenë pikë në rendin e ditës në Këshill derisa nuk e votojnë vetë këshilltarët, është përgjigjur sot kryetarja e Qytetit të Shkupit, Danela Arsovska, në pyetjen e gazetarëve, si e komenton atë që “Këshilli ka refuzuar të miratojë ato 50 autobusë që i duhen qytetit dhe nëse përsëri do ta parashtrojnë iniciativë për ta vendosur sërish atë pikë në Këshill”.

“Kjo do të jetë pikë në rendin e ditës së çdo seance të Këshillit, derisa ta votojnë vetë këshilltarët. Nga shkaku se, për këtë, qytetarët e votuan në këto zgjedhje. Qytetarët e konsiderojnë si domosdoshmëri. Jo vetëm për të reformuar transportin publik, por edhe për të fituar transport publik që do të jetë i disponueshëm, i qasshëm, i besueshëm, i sigurtë dhe miqësor ndaj mjedisit. Janë disa standarde që duhet t’i përmbushim dhe kjo është një nga gjërat që u premtuan dhe duhet të realizohen. Të gjithë ata që në mënyrë deklarative thonë se mbështesin programin për Shkupin modern, këta autobusë ekologjikë, reformën në transportin publik, mendoj se këtë duhet ta dëshmojnë në praktikë. E nëse nuk e bëjnë këtë, përgjegjësia do të jetë ekskluzivisht e tyre’, theksoi Arsovska.