Mickoski nga Berlini: Maqedonia merr pjesë aktive në diskutimet për sigurinë globale dhe sfidat në botë (VIDEO)





“Mirëmbrëma nga Berlini. Sapo përfundoi ngjarja e organizuar nga kancelari Friedrich Merz. Në këtë takim u diskutua për sfidat globale dhe situatën e sigurisë në botë.

Në këtë ngjarje ishin të pranishëm edhe përfaqësuesit dhe negociatorët specialë të SHBA-së për çështjen e Ukrainës, Steve Witkoff dhe Jared Kushner.

Ajo që është gjithashtu e rëndësishme është se në këtë takim, përmes një lidhjeje telefonike, u përfshi edhe presidenti Donald Trump, i cili informoi për takimin e tij me presidentin rus dhe atë kinez.

Në botë ekzistojnë vërtet shumë sfida globale, por është mirë që Maqedonia është pjesë e tryezës dhe së bashku me të tjerët merr pjesë në përpjekjet për zgjidhjen e këtyre sfidave globale.

Kjo do të jetë një dimër i vështirë, një dimër i vështirë në të gjithë Evropën dhe një dimër i vështirë edhe për Maqedoninë.

Por ajo që është e rëndësishme është se ne po punojmë që qytetarët ta kalojnë këtë dimër në kushte normale, ashtu siç i kanë kaluar të gjithë dimrat e tjerë, pavarësisht sfidave në botë.

Edhe pse do të thosha se sot në botë po zhvillohet një luftë e tretë botërore e heshtur, megjithatë ne po arrijmë të gjejmë mënyra dhe të krijojmë strategji për ta lehtësuar standardin jetësor të qytetarëve të Maqedonisë.”

App Icon
TetovaSot App
Shkarkoje tani nga playstore!
Instalo