Mbështeten nga Irani, Arabia Saudite i kërkon BE-së që të shpallë rebelët Houthi si organizatë terroriste
Arabia Saudite po i bën presion BE-së që të caktojë lëvizjen Houthi të Jemenit, të mbështetur nga Irani si një organizatë terroriste, raporton Reuters.
Tentativa pasqyron një përpjekje më të gjerë nga Riadi për të rritur presionin ndërkombëtar mbi grupin, i cili ka kryer sulme pothuajse të përditshme ndaj mbretërisë në javët e fundit.
Rebelët Houthi tashmë i nënshtrohen sanksioneve të BE-së, duke përfshirë një embargo armësh dhe ngrirje të aseteve për 12 komandantë.
BE-ja e ka shpallur Trupën e Gardës Revolucionare Islamike (IRGC) të Iranit, një mbështetës kyç i Houthëve, si një organizatë terroriste.
Por blloku deri më tani nuk i ka cilësuar vetë rebelët Houthi si terroristë, një hap që është ndërmarrë nga vende të tjera perëndimore, përfshirë Shtetet e Bashkuara, Australinë dhe Kanadanë.
