Netanyahu mund të rrëzohet nga froni në tetor!

Gjatë fundjavës, dy nga rivalët kryesorë vendas të Benjamin Netanyahut njoftuan se do të bashkojnë forcat për të mposhtur kryeministrin izraelit në zgjedhjet kombëtare në tetor.

Bashkimi politik i Naftali Bennett dhe Yair Lapid, dy figura relativisht të moderuara, mund të “shënojë fundin e Netanyahut, kështu deklaroi analisti ushtarak Michael Clarke. Kjo mund të ndikojë gjithashtu në rrjedhën e luftës së Iranit dhe në konfliktin më të gjerë rajonal.

“Problemi për Netanyahun është se ai nuk ka asgjë për t’i ofruar Izraelit përveç luftës së vazhdueshme. Ishte Bennett ai që tha se epoka e luftës duhet të marrë fund. Tani duhet të kemi një epokë rindërtimi. Pra, ata po premtojnë një lloj qasjeje të re – se çfarë do të ishte kjo, nuk e dimë. Ata duhet të fitojnë së pari. Por kjo mund ta ndryshojë shumë këtë nën-komplot të luftës së Iranit. Nëse arrijmë në tetor dhe jemi ende të përfshirë në këtë luftë me Iranin, atëherë kjo mund të rezultojë shumë e rëndësishme”, tha Clarke, i cili shtoi se kjo perspektivë mund të ketë ndikim edhe në situatën aktuale në Liban.