Roma në “pole-position” për Davide Frattesin

E ardhmja e Davide Frattesit te Interi është sërish në dyshim, pasi ish-klubi i tij, Roma, është rikthyer fuqishëm në garë për mesfushorin dhe raportohet se tani ndodhet në “pole-position”, duke kaluar rivalët Juventus dhe Napoli, sipas “L’Interista”.

Verdhekuqtë thuhet se janë të vendosur t’u mbyllin derën pretendentëve të tjerë dhe kjo ambicie nënvizohet nga gatishmëria për të përmbushur vlerësimin e lartë të Interit.

Drejtuesit zikaltër, konkretisht Marotta dhe Ausilio, nuk janë të gatshëm të marrin në konsideratë oferta nën 30–35 milionë euro, ndërsa Roma duket e përgatitur të shkojë deri në fund, ndoshta duke propozuar një marrëveshje me huazim fillestar dhe detyrim blerjeje në qershor.

Frattesi, i cili ka pasur vështirësi për të gjetur vazhdimësi në minuta, raportohet se është lodhur duke pritur dhe dëshiron të sigurojë më në fund një transferim ku mund të luajë rregullisht, duke e bërë merkaton e janarit një periudhë të nxehtë dhe të pasigurt për drejtuesit e Interit.

Newcastle United kishte tentuar ta transferonte italianin gjatë verës, por lëvizja erdhi shumë vonë.