Ministri i Kulturës, Lutkov për vizitë në Gostivar

Ministri i Kulturës dhe Turizmit, Zoran Lutkov së bashku me zëvendësministrin e Kulturës dhe Turizmit, Sedat Sulejmani sot do të qëndrojnë për vizitë pune në Komunën e Gostivarit.
Siç njoftuan nga Ministria e Kulturës dhe Turizmit, Lutkov dhe Sulejmani do t’i vizitojnë institucionet nga fusha e kulturës si dhe më shumë objekte që janë pjesë e trashëgimisë së rëndësishme kulturore të Gostivarit. Bëhet fjalë për Shtëpinë e Begut, Shtëpinë e Ahmed Çakos, Sahat Kullën, Medresenë, kishën “Shën Dimitri” dhe Xhaminë e vjetër në Raven.