Xavi nuk do të kërkojë dëmshpërblim, nëse Barcelona vendos për shkarkimin e tij

Xavi Hernandez ende ndihet i aftë për t’i kthyer gjërat në rrugën e duhur, sipas raporteve të fundit, por ai nuk do ta vështirësojë situatën për “Blaugranët” nëse ata vendosin ndryshe.

Spanjolli është nën presion më të madh se kurrë më parë që nga kthimi në klub, dhe raporte të ndryshme thonë se ai është vetëm disa rezultate negative larg nga t’i tregohet dera, transmeton Gazeta Express.

E dhimbshme: Vdes gruaja e futbollistit të njohur kosovar
Megjithatë, sipas “AS”, Xavi nuk e ka hedhur ende peshqirin dhe synon ta përfundojë këtë sezon pasi është i bindur se mund ta përfundojë sezonin ende me trofe.

Por, ai thuhet se e kupton se nëse shkarkohet në fund të vitit, do të jetë për faktin se ai nuk i ka përmbushur kërkesat këtë sezon.

Nëse është kështu, atëherë ai nuk do ta vështirësojë situatën për klubin dhe është i gatshëm të heqë dorë nga paratë që do t’i takonin për vitin e fundit të kontratës së tij, si dëmshpërblim.

Para se të emërohej trajner, Xavi ishte i gatshëm të humbiste 5 milionë euro për pjesën e mbetur të kontratës së tij në Al-Sadd në mënyrë që të realizonte një lëvizje drejt Barçës. Nëse presidenti i klubit, Joan Laporta, e pyet edhe atë, ai nuk do ta çojë klubin në gjyq për paratë që i detyrohen.

Vetë fakti që kjo po konsiderohet ose raportohet është një shenjë e situatës së dëshpëruar te Barcelona. Skuadra e drejtuar nga 43-vjeçari pritej të ishte më e fortë pas shpalljes kampion në Spanjë sezonin e kaluar.

Do të duhej një ndryshim rrënjësor në javët e ardhshme që Barcelona të rikthehet në rrugën e duhur, diçka që pak po e parashikojnë aktualisht.

Kontrata e Xavit skadon në verën e vitit të ardhshëm.