Ndeshje e bukur por pa fitues, ndahen baraz Arsenali dhe Liverpooli
Nuk ka fitues në derbin e dy ekipeve të kreut në Premierligë.
Një duel mjaft interesant u zhvillua sonte mes Liverpoolit dhe Arsenalit, por që nuk dha fitues.
Ndeshja e zhvilluar në “Anfield Road” u mbyll baraz, 1:1.
Derbi nisi fuqishëm, kur mysafirët kaluan në epërsi me golin e shënuar me kokë nga Gabriel qysh në minutën e katërt të ndeshjes.
Shifrat u barazuan në të 29-tën kur Salah shënoi gol të bukur, shkruan Gazeta Express.
Ndeshja më pas nuk prodhoi gola, por pati shumë raste shënimi në të dyja anët.
Ky barazim e mban Arsenalin lider në renditjen tabelare me 40 pikë, një më shumë se Liverpool që është i dyti.