Interi fiton pastër ndaj Lecces
Interi fiton pastër ndaj Lecces
Inter ka shënuar fitore me rezultat të pastër 2:0 në shtëpi ndaj Lecces, në kuadër të javës së 17-të në Serie A.
Zikaltrit kaluan në epërsi në minutën e 43-të kur Bisseck realizoi.
Me epërsi minimale, Interi shkoi në pushimin mes pjesëve.
E në minutën e 78-të, Nicolo Barella dyfishoi epërsinë e vendasve.
Punët u përkeqësuan edhe më shumë për mysafirët, kur Banda u ndëshkua me karton të kuq.
Me këtë fitore, Interi vazhdon fuqishëm si lider në tabelë me 44 pikë, katër më shumë se Juventusi.
Në anën tjetër, Lecce mbetet e 12-ta me 20 pikë të grumbulluara.