Barcelona fiton me mund të madh ndaj ekipit të fundit në tabelë

Barcelona fiton me mund të madh ndaj ekipit të fundit në tabelë

Barcelona është rikthyer te fitoret.

Katalonasit shënuan fitore të vështirë 3:2 ndaj Almerias që gjendet në pozitën e fundit në tabelë, në kuadër të javës së 18-të në La Liga.

Raphinha kaloi vendasit në epërsi në minutën e 33-të të ndeshjes, para se Leo Baptistao të barazonte shifrat tetë minuta më pas.
Sergi Roberto shënoi për ta rikthyer epërsinë e vendasve në minutën e 60-të pas harkimit nga Raphinha.

Por, mysafirët arritën të gjenin forcën për të barazuar edhe njëherë rezultatin në minutën e 71-të përmes Gonzalez.

E Roberto doli sërish në skenë në minutën e 83-të kur realizoi golin e dytë personal dhe të fitores për Barcelonën.

Kjo fitore e dërgon në 38 pikë në vendin e tretë Barcelonën, kurse Almeria mbetet e fundit me pesë pikë gjithsej.