I preu fytin me gotë spanjollit, shqiptari i lyer me gjak largohet i qetë para se të arrestohet

Një shtetas me origjinë shqiptare dhe rreth 40 vjeç është arrestuar për veprën penale vrasje e mbetur në tentativë, pasi pas një sherri brenda një klubi nate në Spanjë i ka prerë fytin me gotë një shtetasi spanjoll.

Ngjarja ka ndodhur të shtunën rreth orës 02:30, ndërsa ta pranishmit shpërthyen në britma dhe ulërima nga ajo që kishte ndodhur.

Pas ngjarjes shqiptari u largua i vetëm dhe i qetë nga vendi i ngjarjes edhe pse ishte i lyer me gjak.

I plagosuri ndodhet në spital, ku iu desh të operohej si pasojë e një plage të thell që ishte vetëm pak centimetra larg arteries karotide, e cila do t’i kishte shkaktuar vdekjen e menjëhershme.