Bllokim i pjesshëm në Hormuz/ Vetëm shtatë anije arrijnë të kalojnë

Ngushtica e Hormuzit mbetet pothuajse e paralizuar për shkak të tensioneve mes Iranit dhe Shteteve të Bashkuara, të cilat kanë vendosur kufizime të ndërsjella në këtë zonë strategjike të transportit detar.

Të dhënat më të fundit tregojnë se vetëm një numër i vogël anijesh kanë arritur të kalojnë gjatë 24 orëve të fundit, shumë më pak krahasuar me mesataren e zakonshme prej rreth 140 anijesh në ditë para krizës.

Sipas raportimeve, Irani lejon herë pas here kalimin e disa anijeve në kushte të caktuara, por qarkullimi mbetet shumë i kufizuar. Pamjet satelitore tregojnë se zona është pothuajse bosh, me aktivitet minimal detar.

Situata ka krijuar probleme të mëdha në transportin global, pasi rreth 20 mijë detarë dhe afro 2 mijë anije mbeten të bllokuara pranë ngushticës, sipas të dhënave të Organizatës Ndërkombëtare Detare.