Olta Gixhari: Në Kosovë jam në shtëpinë time

Aktorja e njohur shqiptare, Olta Gixhari, ka ndarë së fundmi përvojat e saj në Kosovë gjatë një sesioni pyetje-përgjigje në Instagram.

Një nga pyetjet e drejtuara nga ndjekësit ishte: “A të pëlqejnë njerëzit e Kosovës? Cili është momenti më i bukur që ke kaluar atje?”.

Olta nuk ngurroi të përgjigjej me entuziazëm: “Kosova ka mikpritje fantastike, njerëzit janë shumë të dashur dhe të edukuar. Kam fatin të punoj me një staf jo vetëm të kualifikuar, por edhe shumë njerëzor. Në Kosovë jam në shtëpinë time”.