Pendarovski: Kujtimi për Holokaustin dhe lufta kundër antisemitizmit janë përgjegjësi historike dhe civilizuese

Presidenti i shtetit Stevo Pendarovski sot priti delegacionin izraelit të Knesetit kryesuar nga Hamad Amra, kryetar i Grupit parlamentar për miqësi dhe bashkëpunim ndërmjet Izraelit dhe Maqedonisë së Veriut i cili po qëndron në vend me rastin e 80 vjetorit të dëbimit të hebrenjve maqedonas në kampin Treblinka.

“Duke iu referuar ngjarjeve të ardhshme komemorative në të cilat do t’i kushtohet nderim jetëve të humbura të hebrenjve, presidenti thekson se Maqedonia e Veriut do të vazhdojë me angazhimet dhe politikat e saja për të kujtuar Holokaustin dhe luftën kundër antisemitizmit, si histori e jonë e përbashkët dhe përgjegjësi civilizuese”, thuhet në kumtesën e kabinetit të Pendarovskit.

Në takim u bisedua për forcimin e bashkëpunimit ndërmjet dy vendeve në të gjitha fushat dhe nga ky aspekt u theksua edhe roli i komunitetit hebre në Maqedoninë e Veriut, për të cilën bashkëbiseduesit shprehën besimin se edhe më tutje do të vazhdojë të jap kontributin e saj aktiv në zhvillimin e përgjithshëm të vendit si dhe ruajtjen e marrëdhënieve miqësore mes dy vendeve.

Presidenti Pendarovski falënderoi për mbështetjen parimore izraelite në periudhën e kaluar dhe shprehu gatishmërinë e tij për avancimin e bashkëpunimit të gjithmbarshëm bilateral.