Një burrë 68-vjeçar nga Manastiri ka kryer akte sek-suale në një hotel ndaj një vajze 12 vjeçare

Një ngjarje e rëndë ka ndodhur në orët e para të mëngjesit në qytetin e Manastirit, ku nëpunës policorë nga SPB Manastir kanë arrestuar J.S. (68) nga Berova, me qëndrim në Manastir, nën dyshimin për kryerjen e veprës penale “sulm seksual ndaj fëmijës nën moshën 14 vjeçare”, sipas nenit 188 paragrafi 1 të Kodit Penal.

Sipas informacioneve zyrtare nga SPB Manastir, ngjarja ka ndodhur në orën 01:45 në një hotel në qytet, ku i dyshuari akuzohet se ka kryer veprën ndaj një vajze 12-vjeçare.

Autoritetet kanë nisur hetimet e hollësishme, ndërsa pritet dokumentimi i plotë i rastit për të proceduar me kallëzimin penal përkatës.

Organet kompetente theksojnë se janë duke punuar me seriozitet të plotë për zbardhjen e plotë të ngjarjes dhe për mbrojtjen e të drejtave të viktimës.