Zjarr në shtyllë elektrike në Çair, dyshohet vjedhje energjie

Më 08.08.2025, rreth orës 19:20, në zonën e Çairit në Shkup ka shpërthyer zjarr në një shtyllë elektrike pronë e EVN Maqedoni dhe në një shtëpi të banimit në pronësi të S.K. (63) nga Shkupi. Zjarri është shuar nga Brigada e zjarrfikësve të Shkupit, pa shkaktuar lëndime te persona. Në vendngjarje ka dalë një ekip i EVN-së, i cili ka konstatuar se zjarri ka qenë pasojë e një lidhjeje të paligjshme me kabllo, që ka rezultuar në vjedhje të energjisë elektrike. Për ngjarjen është kryer ekspertizë nga ekipi hetimor i SPB Shkup, ndërsa prokurori publik është informuar për rastin. Pas përfundimit të hetimeve pritet ngritja e kallëzimit përkatës.TS