E sulmoi bashkëfshatarin dhe tentoi ta qëllojë me armë – arrestohet 43-vjeçari në Zhelinë

Më 5 gusht 2025, rreth orës 10:55 në fshatin Zhelinë të Tetovës, punonjësit e Policisë nga Departamenti i Grupçinit arrestuan B.U. (43), banor i Zhelinës, pasi dyshohet se një ditë më parë në një lokal kishte sulmuar fizikisht bashkëfshatarin e tij E.Xh. (32). Sipas raportimit, B.U. është përpjekur disa herë të qëllojë me armë zjarri në drejtim të viktimës, por pistoleta ishte bllokuar. Ai është ndaluar në stacionin policor dhe ndaj tij pritet të ngrihet kallëzim përkatës pas dokumentimit të rastit.TS