Një grua nxirret nga rrënojat pas 91 orësh nga tërmeti shkatërrues në Myanmar

Një grua 63-vjeçare u nxor nga rrënojat 91 orë pas tërmetit shkatërrues me magnitudë 7,7 shkallë sipas shkallës Rihter që goditi Myanmarin. Ajo u shpëtua sot në mëngjes në Naypyidaw, kryeqyteti i Myanmarit.

Derimë tani janë raportuar më shumë se 2.700 viktima dhe pritet që numri i tyre të kalojë 3.000. Po ashtu, 4.521 persona janë të plagosur, ndërsa 441 janë të zhdukur. Përveç viktimave, më shumë se 10.000 ndërtesa janë shkatërruar ose dëmtuar rëndë, veçanërisht në pjesët qendrore dhe verilindore të Maynmarit. Në Mandalej, qyteti i dytë më i madh, 50 fëmijë dhe dy mësuese humbën jetën kur një kopësht u shemb. Pasgoditjet dhe frika nga tërmete të tjera detyruan shumë njerëz të flenë jashtë në rrugë ose në fushat e hapura.