Policia e Kumanovës ngriti padi penale kundër 39-vjeçarit, në kazino rrahu dy persona!

Ministria e Punëve të Brendshme ka njoftuar se Sektori i Punëve të Brendshme në Kumanovë, ka ngritur kallëzim penal kundër një 39-vjeçari nga Kumanova, pasi siç bëhet e ditur, ka sulmuar fizikisht dy persona në një kazino në Kumanovë.
“SPB Kumanovë ka parashtruar kallëzim penal kundër B.V.(39) nga Kumanova për shkak të ekzistimit të dyshimit se ka kryer veprën penale “lëndim i rëndë trupor” dhe “dhunë”. Më 09.11.2024 në kazino të Kumanovë, i denoncuari fizikisht ka sulmuar Z.R. nga fshati Hotël, Likovë dhe i ka shkaktuar lëndime të rënda trupore, pas çfarë fizikisht e ka sulmuar edhe I.S. nga Kumanova”, qëndron në buletinin e MPB-së.