“Bashkëpunimi në energjetikë: Ministrja Bozhinovska takohet me ambasadorin e Kazakistanit”

Ministrja e Energjetikës, Minierave dhe Burimeve Minerale Sanja Bozhinovska zhvilloi sot një takim pune me Ambasadorin e Republikës së Kazakistanit Sh.T. Satibaldi Burshakov. Në takim u diskutua për mundësitë e thellimit të bashkëpunimit dypalësh në sektorin e energjisë, me një theks të veçantë në burimet e energjisë së rinovueshme dhe projektet e infrastrukturës.
Ministrja Bozhinovska theksoi rëndësinë e forcimit të pavarësisë energjetike të vendit përmes diversifikimit të burimeve energjetike dhe investimit në projekte të qëndrueshme. Ajo shprehu gatishmërinë për të bashkëpunuar me Kazakistanin në shkëmbimin e përvojës dhe teknologjive që do të kontribuojnë në zhvillimin ekonomik të të dy vendeve.
Ambasadori Burshakov theksoi interesin e Kazakistanit në bashkëpunimin në fushën e energjisë, duke vënë në dukje sukseset e vendit të tij në zhvillimin e burimeve të energjisë së rinovueshme dhe modernizimin e infrastrukturës së energjisë.
Të dy bashkëbiseduesit ranë dakord se bashkëpunimi dhe shkëmbimi i ekspertizës midis vendeve kontribuon në përmirësimin e sektorit energjitik në tërësi.