Kasami: VLEN do të jetë pjesë e qeverisë me VMRO-në

Kreu i Lëvizjes Besa, Bilall Kasami nuk u përgjigj saktë nëse do të formohet qeveria e ardhshme pa ndryshimet kushtetuese, transmeton TV21. Kasami thotë se tashmë është paralajmëruar që opozita shqiptare, VLEN do të jetë pjesë e Qeverisë.

“Do të ketë qeveri europiane, do të ketë qeveri ku koalicioni VLEN veç më është paralajmëruar se do të jetë pjesë , në atë qeveri sigurisht që kemi thënë dhe vazhdojmë të themi se garantojmë rrugëtimin europian të vendit”, tha mes tjerash Kasami.

I pyetur nëse do të ketë Qeveri mes VMRO-DPMNE, VLEN dhe ZNAM, Kasami tha se qoftë edhe me VMRO-në në Qeveri, me VLEN do të jetë më lehtë realizimi i ndryshimeve kushtetuese.

Në një qeveri ku do të jetë koalicioni VLEN, sigurisht që do të jetë një qeveri që do të garantojë integrimin e vendit në BE dhe sigurisht që e kemi thënë edhe më herët që në një qeveri të tillë do të jetë shumë më lehtë edhe qoftë edhe VMRO-ja në qeveri, apo cilado parti politike, të bëhen ndryshimet kushtetuese”, pohoi Kasami./tv21.tv