Rama përsërit ftesën për dialog ndaj studentëve protestues, vendos sërish sofrën e gurtë para Kryeministrisë

Kryeministri Edi Rama ka përsëritur edhe këtë të enjte ftesën për dialog drejtuar studentëve protestues.

Kreu i qeverisë ka vendosur sërish sofrën e gurtë para Kryeministrisë, mbi të cilën ka lënë letra me mbishkrimin “Dialog”.

“Mirëmëngjes”, shkruan Rama në postimin e tij në rrjetet sociale, të shoqëruar me simbolin e flamurit shqiptar.

Rama ka deklaruar vazhdimisht se është i gatshëm të ulet në tryezën e dialogut me këdo që beson te komunikimi dhe zgjidhja përmes bisedimeve, në çdo kohë dhe në çdo vend.

Megjithatë, deri më tani, ftesa për dialog është refuzuar nga protestuesit.