Në kuadër të panairit akademik të radhës të organizuar nga qendrat akademike shqiptare, që sivjet po organizohet në Tiranë, në Akademinë e Shkencave të Shqipërisë, sot u promovuan tri vepra të Institutit të Trashëgimisë Shpirtërore e Kulturore të Shqiptarëve, “Historia e trevave lindore” (Ipeshkvia Shkup-Prizren nga Gaspër Gjini dhe “Zhvillimet kulturore dhe historike te shqiptarët në Maqedoni gjatë shek. XIX-XX”, e përgatitur nga grup autorësh) dhe “Dialektologjia shqiptare – Të folmet shqipe të Maqedonisë së Veriut IV”, po ashtu nga grup autorësh.
Në filli të pranishmit i përshëndeti drejtori i Institutit të Trashëgimisë Shpirtërore, Dr. Skender Asani, i cili tha: “Këto dy vepra janë uverturë në shkrimin e historisë së shqiptarëve të Maqedonisë, e cila në të ardhmen do të jetë edhe pjesë e teksteve shkollore të shkollës shqipe në këtë shtet.”. Me këtë rast ai e paralajmëroi edhe projektin e ri të shkrimit të historisë së shtetformësisë së shqiptarëve të Maqedonisë.
Në emër të Akademisë së Shkencave foli kryetari i Akademisë së Shkencave, Akad. Skender Gjinushi, i cili duke e përgëzuar Institutin për punën që po e bën, uroi që sa më shpejt ky institucion të kalojë në akademi të shkencave për shqiptarët e Maqedonisë së Veriut, gjithë kjo në frymë të zhvillimit të shkencës dhe integrimit ndër shqiptar dhe europian.
Për veprën dyvëllimëshe “Historia e trevave lindore” folën dy nga autorët e kësaj vepre, historianët Dr. Sevdail Demiri dhe Dr. Besnik Rameti, të cilët e vunë në pah rëndësinë e kësaj vepre në kuadër të shkrimit të historisë së shqiptarëve të Maqedonisë.
Për vëllimin e katërt të serisë “Dialektologjia shqiptare – Të folmet shqipe të Maqedonisë së Veriut” foli hulumtuesi i Institutit, gjuhëtari Dr. Zeqirija Ibrahimi, i cili u ndal në rëndësinë e madhe që ka ky vëllim për përmbylljen e serisë së studimeve të të folmeve shqipe në Maqedoninë e veriut, me të cilat, siç tha ai, “vizatohet harta e kufijve gjuhësorë të shqipes”.
Promovimin e moderoi hulumtuesi i Institutit, Dr. Sefer Tahiri.
Sign in
Sign in
Recover your password.
A password will be e-mailed to you.
Trending
- Hoti, Selmanaj dhe Krasniqi bëjnë homazhe te varri i ish-deputetit Kikaj
- Largohet flamuri i BE-së dhe NATO-s në një pjesë të presidencës
- Shqiptohen 123 kundërvajtje trafiku në Shkup
- Shembet dheu në rrugën Klinë – Gjakovë, Policia jep detajet
- Krerët e VLEN-it sot takohen me Albin Kurtin në Prishtinë
- Kurti takoi ambasadorin e Mbretërisë së Bashkuar, mosanëtarësimi i Kosovës në KiE ishte temë e diskutimit
- Arrestohet i kërkuari nga Velesi, ishte i dënuar për vjedhjen e energjisë elektrike
- Vrasja e dyfishtë në Stajkovcë të Shkupit/ Prokuroria kërkon paraburgim për të dyshuarin
- Qëndroi ulur kur Kurti hyri në zyrën ku ndodhej edhe O’Brien, Rama flet për fotografinë që u bë virale
- Administrativja refuzon kërkesën e Frontit Evropian për Zhelinën, VLEN: Drejtësia fitoi, vullneti i qytetarëve do të shkoj në vend