Ndalohet një person nga Reçica e Madhe për vuajtje të dënimit me burg

Policët e SPB Tetovë dje (27 dhjetor) rreth orës 11:30 me urdhër të gjykatës kanë ndaluar 44-vjeçarin H.I. nga  Reçica e Madhe e Tetovës. Ai kërkohej me urdhër qendror për të vuajtur dënimin me burg prej dy vjet e një muaj për veprën penale “mashtrim” nga neni 247 i Kodit Penal. Personi është dërguar në Burgun e Idrizovës në Shkup për vuajtje të dënimit. TS