Theri me thikë fëmijën nga Palestina, 71-vjeçari vetëdeklarohet i pafajshëm

71-vjeçari i akuzuar për vrasjen e një djali 6-vjeçar palestinez është vetëdeklaruar i pafajshëm për akuzat për vrasje dhe krim të urrejtjes.

Prokurorët thonë se Joseph Chuba goditi me thikë për vdekje Wadea al-Fayoum dhe plagosi rëndë nënën e tij më 14 tetor. Ai gjithashtu përballet me akuza për tentativë vrasje dhe lëndim të rëndë trupor.

Nëse dënohet për vrasje, ai përballet me 20 vjet burg deri në burgim të përjetshëm. Nëna dhe djali i saj jetonin në shtëpinë e dhënë me qira nga Chuba, i cili i sulmoi për shkak të fesë së tyre dhe luftës në Izrael.

Gjykatësi, siç raporton BBC, urdhëroi që 71-vjeçari të mbahej në burg deri në seancën e ardhshme për këtë çështje në janar. Ai e ka urdhëruar gjithashtu që të mos ketë kontakt me nënën, 32-vjeçaren Hanan Sahin.

Më 14 tetor, disa ditë pasi shpërtheu lufta, Tzumba pa Sahin dhe i tha asaj se ishte i zemëruar për ngjarjet në Lindjen e Mesme. Ajo u përgjigj: “Le të lutemi për paqe”, por 71-vjeçari e sulmoi atë dhe djalin e saj me një thikë.

32-vjeçarja është plagosur rëndë dhe ndodhet në spital.

Nënë e bir jetonin në shtëpi prej dy vitesh, por më herët nuk kishte asnjë provë për ndonjë konfrontim mes Chubës dhe viktimave dhe raportet thonë se ai e trajtonte djalin sikur të ishte nipi i tij.