Rrezik për përhapjen e konfliktit, Izraeli godet prapë Sirinë dhe Libanin

Izraeli po kryen sulme kundër infrastrukturës ushtarake në Siri dhe Liban, mes shqetësimeve që ofensiva e vendit kundër Hamasit mund të kalojë në një konflikt më të gjerë në të gjithë Lindjen e Mesme.

Avionët luftarakë izraelitë goditën raketat në Siri dhe objektivat e Hezbollahut në Liban tha ushtria izraelite herët të hënën përmes një postimi në X.

Pamjet e publikuara tregojnë disa nga sulmet ajrore që shënjestruan vendqëndrime të ushtrisë në qytetin sirian jugperëndimor Daraa.

Ministria e mbrojtjes së Sirisë, tha se goditjet shkaktuan vetëm dëme materiale.

Sipas njoftimit Izraeli kishte goditur rreth orës 1:35 të mëngjesit me orën lokale.

Gjithashtu forcat izraelite kanë qenë të angazhuara në luftime ndërkufitare me grupin e armatosur libanez Hezbollah që nga fillimi i luftës së saj kundër Hamasit.

Edhe shtetet e Bashkuara kanë kryer gjithashtu sulme në Siri në përgjigje të një rritjeje të mprehtë të sulmeve me raketa dhe dronë ndaj forcave të saj për të cilat kanë fajësuar grupet e mbështetura nga Irani.

Këshilltari i Sigurisë Kombëtare të SHBA-së, Jake Sullivan, tha të dielën në një intervistë se ekziston një rrezik “real” që lufta të përshkallëzohet në një konflikt më të gjerë rajonal.