Presidenti Erdogan diskuton me presidentin palestinez konfliktin Izrael-Palestinë

Presidenti turk, Recep Tayyip Erdoğan dhe homologu i tij palestinez, Mahmoud Abbas, kanë diskutuar tensionet e fundit midis Palestinës dhe Izraelit, të cilat të shtunën u përshkallëzuan në konflikt vdekjeprurës, transmeton Anadolu.

Në një bisedë telefonike, njoftoi Drejtoria e Komunikimit e Türkiyes, dy presidentët shkëmbyen mendime mbi zhvillimet e fundit në Izrael dhe Palestinë, si dhe tensionet në rajon.

Presidenti turk e porositi homologun e tij palestinez se Türkiye po bën çdo përpjekje për t’i dhënë fund konfliktit në rajon dhe për të siguruar qetësi sa më shpejt të jetë e mundur.

Të shtunën, grupi i rezistencës ‘Hamas’ me bazë në Gaza nisi operacionin “Tufani i Aksasë” kundër Izraelit, duke lëshuar një breshëri raketash. Grupi tha se sulmi i befasishëm ishte në përgjigje të sulmit ndaj xhamisë Al-Aksa në Kudsin Lindor të pushtuar dhe rritjes së dhunës së kolonëve.

Ushtria izraelit në hakmarrje nisi një operacion kundër grupit ‘Hamas’ në Rripin e Gazës.

Ministria e Shëndetësisë me bazë në Gaza njoftoi se mes luftimeve të vazhdueshme numri i palestinezëve të vrarë nga forcat izraelite në Gaza është rritur në 560, ndërsa numri i personave të lënduar është rritur në 2.900.

Ministria e Punëve të Brendshme në Gaza tha se ushtria izrarelite ka “intensifikuar agresionin e saj” në Gaza me qindra bastisje.

Ushtria izraelite tha se ka goditur mbi 500 objektiva gjatë sulmeve të natës në Gaza, të cilat sipas tyre ishin objektiva që i përkisnin grupeve ‘Hamas’ dhe ‘Xhihadi Islamik’.

Sipas Ministrisë izraelite të Shëndetësisë, të paktën 800 izraelitë janë vrarë dhe mbi 2.300 të tjerë janë plagosur në luftime.