Nesër ndërprerje të energjisë elektrike në Tetovë dhe disa fshatra të Pollogut, ja oraret dhe lokacionet

Nesër, më 19 nëntor 2026, janë planifikuar ndërprerje të furnizimit me energji elektrike në disa lokacione në Tetovë dhe komunat përreth.

Sipas njoftimit, nga ora **08:30 deri në 15:00**, pa energji elektrike do të mbeten Stacioni i Autobusëve në Tetovë, objekti i “Medikinska Plastika”, “Lidl”, ish-objekti i “Makedonija Tabak” dhe “Palma Mall”.

Nga ora **08:45 deri në 14:00**, ndërprerje do të ketë edhe në HEC-in “Bistrica”.

Ndërkaq, nga ora **08:55 deri në 10:30**, pa energji elektrike do të mbeten këto vendbanime: Vratnica, Bellovishti, Jazhinca, Orashja, Nerashte, Staro Sello, Gllogji, Dobroshti, Tearca, Prshovca, Brezna, Përca, Odra, Jegunovca, Rotinca, Podbregja, Jançishta, Prelubishta, Kopanca, Tudenca, Nepreshten, Leshka dhe Sllatina.

Ndërprerje të tjera janë paralajmëruar nga ora **09:00 deri në 14:00**, në këto lokacione:

– **Tetovë:** ndërtesat e reja përballë shkollës fillore “Kirili dhe Metodi”.
– **Prelubishtë:** objektet përgjatë rrugës nga qendra në drejtim të xhamisë.
– **Stençë dhe Vollkovi:** përfshirë objektet “New Country”, “Bashkim Tours” dhe pompa e ujit në Bllacë.
– **Xhepçisht:** objektet në afërsi të furrës “Pashtriku”, përgjatë rrugës rajonale.

Gjithashtu, nga ora **09:45 deri në 13:45**, ndërprerje të energjisë elektrike do të ketë në objektet përreth rrugëve “Proleterska” dhe “Sarajevska” në Tetovë.

Qytetarët dhe bizneset në këto lokacione këshillohen që t’i marrin parasysh oraret e paralajmëruara dhe të planifikojnë aktivitetet e tyre në përputhje me ndërprerjet.

App Icon
TetovaSot App
Shkarkoje tani nga playstore!
Instalo