Gashi takohet me Kasamin: Hapet zyra e deputetit!

Kryetari i komunës së Tetovës, Bilall Kasami në Tetovë ka pritur kryetarin e Kuvendit, Afrim Gashi. Pas takimit, Kasami, tha se me kryetarin e Kuvendit, kanë biseduar për problemet dhe sfidat me të cilat ballafaqohet komuna e Tetovës, por edhe për projektet që janë realizuar në të mirën e qytetarëve.
“Ne si komunë e Tetovës, në bashkëpunim me Kuvendin e RMV-së nga sot do të promovojmë edhe zyrën e deputetit, por njëherësh do të kemi edhe vizita tjera me kryetarin e kuvendit”, tha Kasami, përcjell Alfax.mk
Nga ana tjetër kryetari i Kuvendit, Gashi tha së është i nderuar që është kryetari i parë i cili e viziton Tetovën.
“Jemi këtu për të hapur zyrën e deputetët të Tetovës ku do të ju mundësojmë qytetarëve të komunikojnë me deputetët e tyre”, tha Gashi mes tjerash.
Gashi tha se zyra e deputetit është menduar që të jetë një hapësirë e cila mundëson takime të qytetarëve të komunës së Tetovës me deputetët e kësaj zone.