Marta Kos do ta vizitojë Shkupin, në kuadër të turneut në Ballkanin Perëndimor

Komisionarja europiane për zgjerim, Marta Kos, të hënën dhe të martën do të jetë në Shkup, ku do të zhvillojë takime me liderët e vendeve të Ballkanit Perëndimor, përfshirë edhe kryeministrin Hristijan Mickoski, me fokus tek përpjekjet për përshpejtimin e zbatimit të Planit të BE-së për zhvillimin e rajonit. Siç njoftoi Komisioni Europian, në takim me Kosin, përveç kryeministrit Mickoski, do të marrin pjesë edhe liderët e Shqipërisë, Bosnje dhe Hercegovinës, Kosovës, Serbisë dhe Malit të Zi. Në paralajmërim theksohet se Plani për zhvillimin e Ballkanit Perëndimor ofron përfitime për gjashtë vendet që përgatiten për anëtarësim në BE dhe në takim do të shqyrtohet progresi i arritur, si dhe do të diskutohen hapat e ardhshëm për zbatimin e tij.