Siljanovska-Davkova takon Nikolloskin, e informoi presidenten për ndërtimin e rrjetit rrugor dhe hekurudhor

Presidentja Gordana Siljanovska-Davkova e përshëndeti aktivitetin intensiv në infrastrukturë, si përgjigje ndaj nevojës për lidhje më të mirë të brendshme dhe rajonale, si dhe lidhjen me BE-në, në takimin e sotëm me zëvendëskryeministrin dhe ministër i Transportit, Aleksandar Nikolloski. Në infrastrukturën moderne, ajo sheh bazë për zhvillim më të shpejtë ekonomik, si dhe rritje të investimeve vendase dhe të huaja.

Ministri Nikolloski, siç njoftojnë nga kabineti i Siljanovska-Davkovës, e informoi presidenten për ndërtimin e rrjetit rrugor dhe hekurudhor, si dhe për aktivitetet për përmirësimin e transportit publik.

Të dy shprehën pritshmërinë e tyre se projektet strategjike në sektorin e transportit do të kontribuojnë në përmirësimin e standardit të jetesës së qytetarëve dhe në mundësimin e zhvillimit të qëndrueshëm.

Në takim u bisedua edhe për ndryshimet e fundit të Ligjit për planifikim urbanistik. Sipas ministrit, shumica prej 68 deputetësh që votuan”pro” flet për një shkallë të lartë përputhshmërie mes deputetëve.

Me ndryshimet ligjore për instalimin e termocentraleve fotovoltaike dhe turbinave me erë, ai nuk sheh rrezik të shtuar për tokat pjellore dhe beson se ka mekanizma ligjorë për ta parandaluar.