Kriza bankare trondit Paraguain, presidenti Santiago Peña jep dorëheqjen

Një krizë e rëndë bankare ka tronditur Paraguain, duke çuar në dorëheqjen e presidentit Santiago Peña, pas presionit të madh politik dhe kërkesave të opozitës për shkarkimin e tij. Vendimi erdhi pas falimentimit të Ueno Bank, ku miliona klientë mbetën pa akses të menjëhershëm në llogaritë e tyre.

Sipas raportimeve nga mediat e huaja, Peña u përball me akuza nga ligjvënësit për konflikt interesi, keqpërdorim të fondeve të pensioneve dhe përpjekje për të mbuluar përgjegjësitë institucionale lidhur me krizën.

Ai kishte mbajtur më parë aksione në një grup që kontrollonte bankën.

Në një mesazh drejtuar qytetarëve, presidenti deklaroi se dorëheqja ishte vendimi i duhur për të garantuar stabilitetin e vendit dhe për të mbrojtur institucionet demokratike. Ndërkohë, zëvendëspresidenti Pedro Alliana pritet të marrë drejtimin e vendit, në një moment të vështirë për sistemin financiar dhe politikën paraguajane.