Nga Ukraina, tek tarifat dhe marrëveshjet e biznesit: Çfarë e pret Evropën pas humbjes së Trump në zgjedhjet e mesit të mandatit

Rezultatet ndoshta do të vënë në lëvizje hetimet mbi luftën në Iran, drejtimin e FBI-së dhe, sigurisht, marrëveshjet e biznesit familjar të Donald Trump

Nga Ukraina, tek tarifat dhe marrëveshjet e biznesit: Çfarë e
Pasi fituan Senatin dhe arritën përparime vendimtare në Dhomën e Përfaqësuesve, ligjvënësit demokratë do të jenë të vendosur të hetojnë çdo gjë që ka ndodhur gjatë dy viteve të fundit të administratës Trump.

“Avokatë përgatituni”, paralajmëroi përfaqësuesi Robert Garcia i Kalifornisë, i cili ka të ngjarë të jetë kryetari i ardhshëm i Komitetit Mbikëqyrës të Dhomës së Përfaqësuesve, në orët e para të mëngjesit të së mërkurës.

Rezultatet ndoshta do të vënë në lëvizje hetimet mbi luftën në Iran, drejtimin e FBI-së dhe, sigurisht, marrëveshjet e biznesit familjar të Donald Trump.

Si do të ndikojnë këto ndryshime politike në Evropë? Nga çmimet e energjisë te lufta në Ukrainë, kontinenti varet shumë nga ajo që ndodh në Uashington. “Politico” ka renditur pesë ndryshiem të rëndësishme ,që pritet të prekin Evropën.

Evropa rrezikon të mbajë barrën e frustrimit të Trump
Disa vëzhgues me përvojë mendojnë se kjo është shumë e mundshme.

“Ne duhet të përgatitemi jo për marrëdhënie më harmonike transatlantike, por për më shumë ashpërsi dhe madje edhe më shumë kërkesa të Trump ndaj Evropës”, paralajmëroi Wolfgang Ischinger, diplomati veteran gjerman dhe kryetar i hershëm i Konferencës së Sigurisë së Mynihut.

Demokratët do të kenë më shumë mundësi për të sfiduar Trump përmes procedurave të ndarjeve buxhetore dhe duke qenë më agresivë në seancat dëgjimore dhe hetimet mbikëqyrëse. Ata gjithashtu ka të ngjarë të fillojnë të vendosin kushte më të rrepta për legjislacionin që Shtëpia e Bardhë dëshiron.

Por një president amerikan ka diskrecion të konsiderueshëm kushtetues mbi politikën e jashtme, diplomacinë dhe sigurinë kombëtare, si dhe politikën tregtare, e për këtë Trump ka përfituar pa asnjë hezitim më shumë duke përdorur dekrete dhe duke zhvilluar manovra të reja dhe të diskutueshme ligjore për të anashkaluar Kongresin.

“Trump udhëheq forcën ushtarake. Ai ka kontroll mbi tarifat dhe marrëveshjet tregtare. Ai ka predikimin e ashpër. Edhe nëse demokratët i marrin të dyja dhomat, ai mund të vërë veton në projektligje”, tha për Brussels Playbook Phil Gordon, ish-këshilltar i sigurisë kombëtare i ish-nënpresidentes Kamala Harris.

Prisni më shumë përballje. Trump ka të ngjarë të dëshirojë të tregojë se është ende shefi dhe ai ka më shumë shanse ta bëjë këtë në skenën ndërkombëtare. Evropa ka qenë prej kohësh në shënjestrën e tij. Tani kanë vetëm dy vjet për ta bërë këtë.

Hapësirë frymëmarrjeje për Ukrainën
Shumica e demokratëve kryesorë e kanë mbështetur vazhdimisht dërgimin e ndihmës në Ukrainë, duke e paraqitur atë si një mbrojtje të demokracisë globale dhe të drejtës ndërkombëtare, si dhe si një mbrojtje në interesat e sigurisë kombëtare të Amerikës. Demokratët mund të fillojnë të krijojnë rrethanat për të ndihmuar Ukrainën.

“Por mos prisni shpëtim të menjëhershëm për Zelensky-n, sepse edhe nëse demokratët vendosin të fillojnë t’i dërgojnë Kievit më shumë gjëra, përfshirë paratë, kjo do të zgjasë me muaj dhe ndoshta edhe me vite”, tha Bronwen Maddox, drejtoreshë e organizatës kërkimore Chatham House në Mbretërinë e Bashkuar.

Ukraina ka nevojë për ndihmë të menjëhershme, veçanërisht raketa Patriot për mbrojtjen e saj ajrore, për të përballuar këtë dimër nën bombardimet e vazhdueshme të Rusisë.

Një marrëveshje paqeje “Trumpiane”
Trump e ka paraqitur veten si president i paqes dhe pretendon me zë të lartë se i ka dhënë fund tetë konflikteve ndërkombëtare. Ai ka thënë se Ukraina duhet të kishte qenë marrëveshja më e lehtë e paqes për t’u arritur dhe ka fajësuar gjithnjë e më shumë presidentin e vendit, Volodymyr Zelenskyy, për dështimin në arritjen e një marrëveshjeje.

Ish-diplomati amerikan Kurt Volker mendon se Trump do t’i injorojë protestat nga Kievi dhe aleatët evropianë dhe “do të fillojë të heqë sanksionet dhe të bëjë marrëveshje biznesi me Rusinë”.

“Mund ta shoh shumë mirë duke e bërë këtë në mënyrë të njëanshme dhe duke i dhënë udhëzime Thesarit të SHBA-së që të përmbahet nga zbatimi i sanksioneve dhe përpjekja për të arritur më shumë marrëveshje për energjinë me Rusinë. Ai ka folur me Putinin për rikthimin e kompanive të mëdha amerikane në Rusi.”- tha Volker.

Por kur bëhet fjalë për NATO-n dhe përmbushjen e kërcënimeve për të zvogëluar dislokimet amerikane në kontinent, Volker pret që Trump do të jetë më shumë lehës sesa kafshim.

“Me NATO-n, mendoj se nuk do të ndryshojë shumë kur bëhet fjalë për tërheqjen nga NATO ose reduktimin e pozicionit të forcave. Trump është vërtet i vetëm në këtë çështje në SHBA, ai nuk ka mbështetje nga demokratët, republikanët, Kongresi apo media.”- tha ai.

Një rënie e çmimeve të energjisë
A do të bien çmimet e energjisë? Mos vini bast për këtë. Të hënën, çmimet e naftës ranë me ritmin e tyre më të shpejtë që nga gushti, megjithëse nafta e papërpunuar Brent, një pikë referimi kyçe ndërkombëtare, u tregtua ende me 108 dollarë për fuçi.

Nëse Trump nuk arrin një marrëveshje paqeje me Teheranin për të rihapur Ngushticën e Hormuzit, shoku i zgjatur energjetik që po rrit kostot e energjisë në Evropë dhe po përkeqëson krizën e kostos së jetesës do të vazhdojë, duke shtrembëruar politikën evropiane. Lidhur me udhëtimet ajrore dhe industrinë e linjave ajrore, drejtori ekzekutiv i Ryanair, Michael O’Leary, paralajmëroi se pa një marrëveshje, industria do të “përballet me një krizë të vërtetë deri në marsin ose prillin e ardhshëm”.

Trump nuk ka zgjedhje të mira për Iranin: të rifillojë operacionet ushtarake me shpresën se iranianët do të tërhiqen ose regjimi teokratik do të shembet; të tërhiqet vetë; ose të largohet dhe të thotë se të tjerët – pra evropianët ose aziatikët, duhet ta zgjidhin problemin.

Rifillimi i operacioneve ushtarake dhe rritja edhe më e madhe e çmimeve të energjisë do të jetë shumë e papëlqyeshme në SHBA, por dëmi zgjedhor është bërë tashmë.

Vetëm kaos, pa shumë kohë për askund tjetër
Ekziston gjithashtu një shans që SHBA-të të shpërqendrohen dhe konsumohen aq shumë nga lufta politike në Uashington, saqë as Trump dhe as demokratët nuk do të kenë shumë kohë për asgjë, përfshirë politikën e jashtme.

Ish-nënpresidentja Kamala Harris paralajmëroi në një podcast muajin e kaluar se demokratët nuk duhet të përpiqen ta shkarkojnë përsëri Trump, duke e hedhur poshtë këtë si “një ide jo të mirë”.

Rahm Emanuel, ish-kryetari i bashkisë së Çikagos, u ka kërkuar kolegëve demokratë të shmangin një “luftë për ushqim” dhe të përqendrojnë përparësitë legjislative te përballueshmëria, rritja e pagave minimale federale dhe zhvillimi i rregullave të reja etike për të tre degët e qeverisjes.

Pavarësisht lutjeve, Uashingtoni rrallë i ka shmangur grindjet e ashpra për ushqim.

Dhe gjakderdhja politike ka të ngjarë të shpërthejë kudo, me disa nga përleshjet më të mëdha brenda secilës parti, parashikon John F. Harris i POLITICO-s.

“Të dyja partitë kryesore përballen me zgjedhje të mprehta se si t’ua paraqesin veten votuesve në epokën e ardhshme politike pas Trump”, argumentoi Harris./ Politico