Nikolloski-Tiganj: Kroacia mbetet një partnere dhe mbështetëse e rëndësishme e rrugës evropiane të Maqedonisë
Zëvendëskryeministri dhe ministri i Transportit, Aleksandar Nikolloski sot realizoi takim me ambasadoren e Republikës së Kroacisë, Nives Tiganj.
Në takim u diskutua për bashkëpunimin ekonomik, zhvillimin rajonal dhe integrimin evropian të Maqedonisë.
Të dy bashkëbiseduesit theksuan mundësitë për promovimin e bashkëpunimit ekonomik dhe tregtar si dy vende me marrëdhënie tradicionalisht të mira dhe krijimin e lidhjeve shtesë midis kompanive.
Në fushën e zhvillimit të infrastrukturës, Ministri konfirmoi vendosmërinë e Qeverisë për të zbatuar projekte infrastrukturore, me theks të veçantë në investimet kapitale dhe ndikimin e tyre në zhvillimin rajonal, përmirësimin e lidhshmërisë dhe krijimin e kushteve për rritje ekonomike.
Kroacia mbetet një partnere dhe mbështetëse e rëndësishme e rrugës evropiane të Maqedonisë, si dhe e proceseve reformuese që po zbatohen në vend.
Të dyja palët shprehën gatishmërinë e tyre për të promovuar bashkëpunimin në fushat me interes të ndërsjellë, në frymën e miqësisë dhe partneritetit tradicional midis dy vendeve.
