Hapësirë e rinovuar për neurofiziologji në Klinikën Universitare të Neurologjisë

Ministri i Shëndetësisë, Sasho Klekovski, së bashku me Kryetarin e Qeverisë, Hristijan Mickoski, sot vizituan hapësirën e rinovuar të neurofiziologjisë – një hapësirë prej mbi 800 m² në kuadër të Klinikës Universitare të Neurologjisë.
Janë rinovuar plotësisht ambulancat, kabinetet dhe reparti i hospitalizimit, me pajisje të reja mjekësore dhe sistem të ri të klimatizimit.
„Më e rëndësishmja është ajo që nuk shihet në fotografi. Deri tani, pacienti diagnostikohej në një vend, ndërsa për rehabilitim duhej të shkonte në një vend tjetër. Me hapësirën e re për rehabilitim dhe kabinetin për trajnim kognitiv, kjo rrugë është shkurtuar – për një person me sëmundjen e Parkinsonit, kjo është dallimi mes një jete të pavarur dhe varësisë nga ndihma e të tjerëve“, theksoi Klekovski.
Klinika e Neurologjisë është një institucion kompleks që kujdeset për një gamë të gjerë pacientësh: nga goditjet në tru deri te skleroza multiple, nga çrregullimet neurologjike zhvillimore te fëmijët deri te sëmundjet neurodegjenerative dhe demencat, si dhe për dhimbjet e kokës dhe sindromat e dhimbshme. Ministria e Shëndetësisë vazhdon të mbështesë, hap pas hapi, përmirësimin e kushteve për të gjitha kategoritë e pacientëve.
Ministri Klekovski shprehu mirënjohje për drejtuesit dhe punonjësit e Klinikës së Neurologjisë për përkushtimin e tyre.