Kroati vret bashkëshorten në ditëlindjen e fëmijës
Një tragjedi ka tronditur qytetin kroat Slatina, ku është arrestuar një burrë i dyshuar për vrasjen e bashkëshortes së tij, me të cilën ishte në proces divorci. Vrasja ndodhi gjatë festës së ditëlindjes së njërit prej gjatë fëmijëve të tyre.
Sipas medieve kroate, gruaja prej muajsh kishte paralajmëruar se i frikësohej për veten dhe fëmijët dhe kishte kërkuar ndihmë nga institucionet. Vetëm një orë para krimit, ajo dyshohet se kishte thirrur policinë, duke treguar se bashkëshorti ishte i dehur e violent dhe kishte kërkuar që policët të vinin në vendngjarje.
Sipas dëshmive të të afërmve, policia nuk kishte dalë në terren. Më vonë fqinjët kishin thirrur ndihmën, pasi kishin dëgjuar ulërimat e fëmijëve, por atëherë ishte tepër vonë.
I dyshuari është gjetur në vendin e krimit dhe është arrestuar menjëherë. Policia njoftoi se hetimi penal është në rrjedhë e sipër, ndërsa ai dyshohet se e ka vrarë gruan me një mjet të mprehtë.
Pas tragjedisë, drejtori i përgjithshëm i policisë kroate urdhëroi një kontroll të jashtëzakonshëm në stacionin e policisë në Slatina, me qëllim që të përcaktohet se si kanë vepruar institucionet me viktimën dhe të dyshuarin. Ministri i Punëve të Brendshme njoftoi se rezultatet e kontrollit duhet të bëhen të ditura brenda një deri në dy ditë.
