Katari dhe Irani rifillojnë tregtinë detare

Katari dhe Irani kanë njoftuar rifillimin e tregtisë detare midis porteve të tyre, pas rreth pesë muajsh.

Ministria e Transportit e Katarit në një deklaratë të postuar në X të dielën tha se aktivitetet detare do të rifillojnë me efekt të menjëhershëm.

Mediat shtetërore iraniane kanë raportuar se rihapja e portit Al-Ruwais të Katarit për mallrat iraniane dhe rifillimin e tregtisë detare midis dy vendeve.

Rruga midis Al-Ruwais dhe portit iranian të Dayyer është rruga më e shkurtër e transportit tregtar nëpër Gjirin Persik.

Katari është një nga ndërmjetësit kryesorë midis Iranit dhe Shteteve të Bashkuara dhe ka argumentuar vazhdimisht për dialog për t’i dhënë fund konfliktit të Gjirit.

Një javë më parë, emirati u kishte kërkuar të gjitha anijeve të pezullonin aktivitetet lundruese dhe detare deri në një njoftim të mëtejshëm mes tensioneve të ripërtërira mbi transportin detar në Gjirin jugor.