Siguria online e fëmijëve në fokus, OKB bën thirrje për veprim

Zyra e Kombeve të Bashkuara për të drejtat e njeriut u ka bërë thirrje qeverive që të rregullojnë më seriozisht platformat online për t’i bërë ato më të sigurta për përdoruesit më të rinj.

Zyra e Kombeve të Bashkuara për të Drejtat e Njeriut ka bërë thirrje për rregullore më të forta dhe mbikëqyrje më të madhe të platformave online për të mbrojtur më mirë fëmijët në hapësirën dixhitale.

Komisioneri i Lartë i OKB-së për të Drejtat e Njeriut, Volker Thierk, tha se mbrojtja e fëmijëve në internet është një përparësi urgjente, por paralajmëroi se masat duhet të zbatohen me kujdes dhe saktë.

Thirrja vjen në një kohë kur gjithnjë e më shumë vende po shqyrtojnë kufizime në përdorimin e rrjeteve sociale nga të miturit, si dhe rregulla më të rrepta për telefonat celularë në shkolla.

OKB-ja paralajmëron se platformat dixhitale duhet të bëhen më të sigurta për fëmijët dhe qeveritë duhet të marrin një rol më aktiv në mbrojtjen kundër përmbajtjes së dëmshme, abuzimit dhe rreziqeve që paraqet hapësira online.