Një muaj paraburgim të dyshuarit për vrasjen e 37 vjeçarit në Mitrovicë

Gjykata Themelore në Mitrovicë ka caktuar masën e paraburgimit prej një muaji ndaj Arben Spasollit, i cili dyshohet për vrasjen e 37 vjeçarit në Mitrovicë.

“Gjykata Themelore në Mitrovicë – Departamenti për Krime të Rënda, përmes gjyqtarit të procedurës paraprake Xhemajl Jusufi ka marrë aktvendim për caktimin e masës së paraburgimit ndaj një të pandehurit A.S., lidhur me dyshimet për kryerjen e veprave penale: Vrasja e rëndë nga neni 173 par.1 nën par.1.8, Vrasja në tentativë nga neni 172 lidhur me nenin 28, Mbajtja në pronësi, kontroll ose posedim të paautorizuar të armëve nga neni 366 par. 1 të KPRK-së”, thuhet në njoftim.

Gjykata bëri të ditur se koha e paraburgimit do t’i llogaritet nga data 27 maj 2026 deri më 26 qershor 2026.

Rasti ka ndodhur të martën në mbrëmje dhe është cilësuar si vrasje e rëndë.

Në këtë rast plagë me thikë ka marrë edhe vëllai i viktimës. /Reporteri.net/