Sulm ajror izraelit në jug të Libanit, shtatë viktima mes tyre një fëmijë

Të paktën shtatë persona kanë humbur jetën, mes tyre edhe një fëmijë, si pasojë e një sulmi ajror izraelit në jug të Liban, bëri të ditur Ministria libaneze e Shëndetësisë.

Sulmi ndodhi në qytetin Saksakiyeh dhe, sipas autoriteteve shëndetësore, la të plagosur edhe 15 persona të tjerë, përfshirë tre fëmijë. Mediat shtetërore libaneze raportuan gjithashtu për një tjetër sulm izraelit në qytetin jugor Nabatieh, ku mbeti i vrarë një shtetas sirian, ndërsa vajza e tij 12-vjeçare u plagos rëndë.

Nga ana tjetër, Hezbollah njoftoi se kishte ndërmarrë një sulm me dron ndaj veriut të Izrael. Ushtria izraelite deklaroi se nga ky sulm mbetën të plagosur tre ushtarë.

Përplasjet mes forcave izraelite dhe Hezbollahut kanë vijuar edhe pas shpalljes së armëpushimit më 16 prill, të ndërmjetësuar nga presidenti amerikan Donald Trump, mes qeverive të Izraelit dhe Libanit.

Shumica e operacioneve ushtarake izraelite janë përqendruar në jug të Libanit, ku ushtria izraelite pretendon se po godet objektiva dhe infrastrukturë të lidhur me Hezbollahun, grupin e mbështetur nga Irani.