Në Tearcë u zgjodhën delegatët për kongresin e 9-PDSH

Në degën e Tearcës u mbajt Kuvendi Zgjedhor në kuadër të përgatitjeve për Kongresin IX të Partisë Demokratike Shqiptare.

Gjatë punimeve të kuvendit, kuvendarët e degës së Tearcës zgjodhën delegatët që do ta përfaqësojnë degën në Kongresin IX të partisë, si dhe me votim miratuan propozim-listën e kandidatëve për Kuvendin Qendror nga dega e Tearcës.

Të pranishmëve me një fjalim rasti iu drejtua edhe kryetari i Këshillit për Organizimin e Kongresit, Sali Ajdini, i cili foli për rëndësinë e organizimit dhe mobilizimit partiak në prag të Kongresit IX, duke theksuar nevojën për unitet, përgjegjësi dhe angazhim në funksion të forcimit të Partisë Demokratike Shqiptare.

Kuvendi u zhvillua në frymë demokratike dhe me pjesëmarrje aktive të strukturave dhe anëtarësisë së degës së Tearcës.