Disa pjesë të Shkupit me ndërprerje të energjisë elektrike

Sot, në periudha të ndryshme të ditës, disa zona në komunat Studeniçan, Karposh dhe Qendër, do të mbeten pa energji elektrike.

Sipas njoftimit të EVN Maqedoni, nga ora 08:00 deri në 16:00 pa rrymë do të jenë një pjesë e fshatit Moranë dhe i ashtuquajturi vendbanim i vikendeve në Moranë të komunës së Studeniçanit.

Nga ora 08:30 deri në 17:30 pa energji elektrike do të mbeten objektet në rrethin e fabrikës Karposh në lagjen Aleksandria dhe objekti i Centrounion në komunën e Karposhit.

Ndërsa nga ora 08:00 deri në 11:00 pa rrymë do të jenë edhe disa rrugë në komunën Qendër, përfshirë rrugën “Nikolla Kljusev”, “Maksim Gorki”, një pjesë të “Dame Gruev”, “Orce Nikollov” (numra tek) dhe “Vasil Glavinov”.