Bastisje në Shtip, gjendet marihuanë, privohet nga liria një shtetas turk

Më 07.04.2026 në orën 14:50 në Shtip, nëpunës policorë të Njësitit kundër Tregtisë së Palejuar të Drogës dhe Armëve pranë SPB Shtip e privuan nga liria M.S. (23) nga Republika e Turqisë, me qëndrim të përkohshëm në Shtip. Paraprakisht, me urdhër gjykate, është realizuar bastisje në banesën ku përkohësisht qëndron N.K. (21) nga Turqia, gjithashtu me qëndrim të përkohshëm në Shtip, e në ç’vend është gjetur edhe M.S. Gjatë bastisjes janë gjetur dhe sekuestruar marihuanë dhe thërrmuese me mbetje marihuane.
Më vonë, me lejen e tij, është ushtruar kontroll edhe në banesën ku qëndron M.S., me ç’rast janë gjetur dhe sekuestruar disa paketime me marihuanë dhe një dokument udhëtimi i një personi tjetër nga Turqia. M.S. është ndaluar në stacion policor dhe, pas dokumentimit të plotë të rastit, ndaj tij do të parashtrohet kallëzim përkatës.