Filipçe me letra drejt BE-së për politikat e Mickoskit

Përshkallëzohet përplasja politike mes LSDM dhe VMRO-DPMNE lidhur me rrugën eurointegruese të vendit. Kryetari i LSDM-së, Venko Filipçe, ka paralajmëruar se do të dërgojë një letër drejtuar ambasadorëve, si dhe zyrtarëve të lartë të Bashkimi Evropian dhe NATO, duke ngritur shqetësime për, siç tha ai, “çmontimin sistematik” të së ardhmes euroatlantike të vendit.

Sipas Filipçes, qëndrimet dhe deklaratat e kryeministrit Hristijan Mickoski përbëjnë përpjekje të qëllimshme për të bllokuar integrimin në BE dhe për të sabotuar interesin strategjik të shtetit.

Nga ana tjetër, Mickoski ka përsëritur se qeveria nuk do të lëvizë nga pozicionet e saj në lidhje me ndryshimet kushtetuese dhe çështjen me Bullgaria.

“Ne nuk do të lëvizim asnjë milimetër. Do të presim – nëse jo ne, atëherë ata që do të vijnë pas nesh”, deklaroi Mickoski, duke theksuar se nuk do të pranojnë procese pa garanci të qarta, veçanërisht për të drejtat e maqedonasve në Bullgari.

Ky zhvillim vjen në një moment kur procesi i integrimit evropian i vendit mbetet i bllokuar prej muajsh, ndërsa përplasjet politike për këtë çështje po thellohen.