Gjenden pesë migrantë nga Egjipti, arrestohet kontrabandisti nga Turqia

Më datë 23.03.2026, rreth orës 23:30, në rrugën rajonale Demir Kapi – Negotinë, saktësisht në vendin e quajtur “Ostrovo”, zyrtarët policorë nga Stacioni i Mbikëqyrjes Kufitare “Mihajllovo” kanë privuar nga liria shtetasin turk B.E., 29 vjeç.

Gjatë kryerjes së detyrës pranë nyjës rrugore të Tremnikut, policia vuri re se nga automjeti i tipit “Skoda Kamiq” me targa të Shkupit, të cilin ai po e drejtonte, zbritën me shpejtësi disa persona. Menjëherë pas kësaj, automjeti u ndalua dhe drejtuesi u arrestua, ndërsa pas kontrollit të hollësishëm të terrenit përreth u gjetën pesë migrantë me origjinë nga Egjipti. Personi i dyshuar po mbahet në stacionin policor për procedura të mëtejshme, ndërsa migrantët janë transferuar në Qendrën e Pritjes dhe Tranzitit “Vinojug” në Gjevgjeli, ku pas dokumentimit të plotë të rastit, ndaj shtetasit turk do të ngrihet kallëzimi penal përkatës.