Identiteti i përdhosur i gjuhës shqipe në kushtetutë!
Që nga nënshkrimi i MO gjuha shqipe në kushtetutën antidemokratike të Severnistanit qëndron e paprekur dhe “shëndosh e mirë” me emërtimin përdhosës si 20%, ku faktori ndërkombëtar bashkë me subjektet politike maqedone dhe shqiptare, e pagëzuan gjuhën tonë nga më të vjetrat në Europë si gjuhë e një bashkësie etnike që flitka 20% i asaj bashkësie.
Termi përdhosës për identitetin tonë gjuhësor si 20% nuk i ka lëvizur asnjë centimetër nga pozicioni partiçkat tona politike se duhet e kushtëzuar pjesëmarrja e tyre në qeveritë e koalicionit për heqjen e 20% nga kushtetuta, por përkundrazi, ato nuk e kanë ngritur këtë çështje si detyrë mbi detyrat e kampit shqiptar, por janë mjaftuar me pjesëmarrejet e tyre në qeveritë e koalicionit.
Rasti i fundit kur shqipja muns të identifikohesh me emrin e saj ishte 11 janari i vitit 2019, me rastin e Marrëveshjes së Prespës kur Seveenistani ndryshoi emrin në emër të integrimit në NATO, u bë kurban gjuha shqipe, pasi partiçkat tona u blenë dhe u shitën te specaxhiu Zajko, si kryeministër i kohës duke lënë për një rast tjetër shlyerjen e turpit siç është 20% e cila qëndron edhe më tej si gur varri në kushtetutë.
Kësisoj, partiçkat tona për më shumë se dy dekada nuk janë angazhuar për zhbërjen e dhe shlyerjen e atij neni që përdhos identitetin tonë gjuhësor dhe kombëtar, por kanë parë interesat meskine të pushtetit për karrierë dhe për leverditë e ndryshme që dalin nga ai pushtet që mban të plandosur në kushtetutë gjuhën shqipe si identitet i humbur.
Gjeneratat e reja një ditë do t’i thonë prindërve të tyre se ku ishit ju kur despotët e Severnistanit na quanin identitetin tonë gjuhësor me shifra dhe jo me emrin e gjuhës le lashtë shqipe?
Përgjegjësia morale bie mbi ta, pasi këta prindër dhe votues të papërgjegjshëm kanë votuar për ato partiçka që i kanë bërë varrin gjuhës shqipe dhe identitetit tonë kombëtar për dy dekada rresht.
Ndaj, gjeneratat e reja e kanë shansin historik të kthesës së madhe duke i ndëshkuar partiçkat tona të babëzitura për pushtet, me votën dhe vendosmërinë e tyre për t’i nxjerr jashtë sistemit si subjekte renegate, që nuk kanë perfaqësuar interesat kombëtare të shqiptarëve, por si subjekte leva dhe shfalerka të pushtetit.
Medai Shaholli