Kurti rritë për 50% shtesat për fëmijët! 180 euro për ata që kanë katër fëmijë

Kryeministri në detyrë i Kosovës, Albin Kurti ka bërë të ditur se janë rritur për 50% shtesat për fëmijët, që njoftoi, nga nesër fillon ekzekutimi i tyre me rritje. Kurti tha se familjet me dy fëmijë do të marrin nga 60 euro, ata me tre fëmijë 135 e ata më katër fëmijë do t’i marrin nga 180 euro

“Lajm i mirë për të gjitha nënat që marrin shtesa për fëmijët: nga nesër fillon ekzekutimi i pagesave me rritjen e miratuar prej 50%.

Nga kjo rritje do të përfitojnë 400 mijë fëmijë. Pra:

– një familje me dy fëmijë, që ka marrë 40 euro, nga nesër do të marrë 60 euro;

– një familje me tre fëmijë, që ka marrë 90 euro, nga nesër do të marrë 135 euro;

– një familje me katër fëmijë, që ka marrë 120 euro, nga nesër do të marrë 180 euro, e kështu me radhë.

Urime të gjithë fëmijëve! T’i gëzoni me shëndet”, tha Kurti.